Artikel 2

SEARAT WARAYAGNYA SEBAGAI

PEDOMAN DALAM MEMILIH PASANGAN HIDUP
Oleh. R.M. Restu Budi Setiawan

Judul teks asli               : Warayagnya

Sumber teks asli           : Serat-serat anggitan dalem Kangjeng Gusti Pangeran Adipati Arya Mangkoenegoro IV terbitan Nurhop-Kolep, Ja-Ka-Ta,1953, halaman 1 sampai 6 dalam cetakan huruf Jawa. Serat koleksi perpustakaan pribadi ndalem Wiryakusuman-Surakarta Hadiningrat.

Teks asli berupa           : Tembang macapat dhandhanggula 10 bait dalam huruf Jawa dan sudah di alih aksarakan seperti di bawah ini.

Warayagnya

Sekar Macapat Dhandhanggula

10 pada

1. Warayagnya wedharing palupi,

Pinandara macapat sarkara,

Ing nalika panitrane,

Senen ping kalih likur,

Sasi Saban Dhestha Be warsi,

Sangkala nyatur slira,

Memulang mring sunu,

Njeng Gusti Pangrandipatya,

Arya Prabu Prangwadana kang amarni,

Winahya mring pra putra.

2. Kakung putri ing reh palakrami,

Sumawana kang sami jejaka,

Tan won tembe pikramane,

Marma tinalyeng wuwus,

Wasitane mengku pawestri,

Ywa dumeh yen wong priya,

Misesa handhaku,

Mring darbekireng wanodya,

Palakrama nalar lan kukum kang dadi,

Yen tinggal temah nistha.

3. Wuryaning reh priya kang rumiyin,

Lamun arsa angupaya garwa,

Den patitis pamilihe,

Aywa kaseseng kayun,

Mbok menawa keduwung wuri,

Ya bener yen wong lanang,

Wenang duwekipun,

Rabiya ping pat sadina,

Kena uga wuruk karepe pribadi,

Nanging tatan mangkana.

4. Dadi  ora ana ala becik,

Ngilangaken istiyaring gesang,

Yen ngarah apa tekade,

Andarung kadalurung,

Ngelmu sarak den orak-arik,

Buwang ajining badan,

Lumuh reh rahayu,

Tur upama kalakona,

Kasangsara kaduwunge anekani,

Manglah nunutuh driya.

5. Aja nganti mangkono ta kaki,

Becik apa cinacad sasama,

Wong gendak kalakuwane,

Sapa kang duwe sunu,

Wadon aweh sira rabeni,

Kiraku nora nana,

Kejaba kebutuh,

Ala rinabenan koja,

Becik bangsa wit tan duwe putu encik,

Mung iku ciptanira.

6. Kawruhana kaduwunging ati,

Jalarane mung patang prakara,

Wong anom dadi brangtane,

Dhingin myat warna ayu,

Kaping pindho melik wong sugih,

Kaping tri kawibawan,

Lan kaping patipun,

Kena sambung sarawungan,

Rokok kinang winehken lan ujar manis,

Rinuket mrih asmara.

7. Wekasane ya kena sayekti,

Ngadatira wong anom mangkana,

Keh rabi dudu niyate,

Yen kena sutaningsun,

Arabiya jalaran becik,

Aja rabi pasogan,

Nistha yen dinulu,

Angapesken yayah rena,

Wruhanira manungsa neng donya iki,

Yen kena kang tinedha.

8. Ingkang dhingin rahayuning dhiri,

Kinalisna sakehing prakara,

Myang sak serik sasamane,

Kapindho badanipun,

Aja kambah barang penyakit,

Kaping tri aja tansah,

Susah manahipun,

Kaping pat arsa darbeya,

Anak lanang kang mursid minangka wiji,

dawaken turunipun. 

9. Mula ora gampang wong arabi,

Kudu milih wanodya kang kena,

Ginawe rewang uripe,

Sarana ngudi tuwuh,

Myang ngupaya kang sandhang bukti,

Wewilangane ana,

Catur upayeku,

Yogyane kawikanana,

Dhingin bobot pindho bebet katri bibit,

Kaping pat tatariman.

10. Papat iku iya uga kanthi,

Dhingin warna kapindhone brana,

Kaping tri kawibawane,

Catur pambekanipun,

Endi ingkang sira senengi,

Aja nganti angawag,

Manawa keduwung,

Karana milih wanodya,

Datan kena den mupakatken sasami,

Wuruk neng karsanira.

RINGKESAN

            Serat Warayagnya dianggit dening K.G.P.A.A. Mangkoenagoro IV ing dina Senen tanggal 22 Ruwah taon Be, mangsa Dhestha kanthi sengkalan ”Nyatur Slira Memulang Mring Sunu” kang tegese 1784 taon Jawa utawa April 1856 Masehi. Tetenger panyeratan iki bisa dipriksani ing pada 1 gatra ka-3 tumeka gatra ka-7 kang unine mangkene:

…………

Ing nalika panitrane,

Senen ping kalih likur,

Sasi Saban Dhestha Be warsi,

Sangkala nyatur slira,

Memulang mring sunu,

………...

Serat Warayagnya amung dumadi saka pupuh dhandhanggula kang gugunge ana 10 pada. Mungguh kang dadi surasane ing serat Warayagnya yaiku piwulang babagan pamilihe wanodya kang bakal dadi sesandhingene urip tumrap priya kang bakal bebojoan. Ing kene sang pujangga medhar babagan paugeran kang kudu dikukuhi minangka jejering priya. Dene surasane kurang luwih kaya mangkene:

Wong kang bakal palakrama iku kudu migatekake marang kukum sarta kudu migunakake nalar kang pratitis sadurunge milih wong wadon. Tegese dinalar yaiku kudu dipikir lan ditimbang antarane ala lan becik tumrap wong kang bakal dadi tetimbangan urip jroning pabrayan agung. Iku pancen diperlokake supaya sakabehane ora nemu alangan lan ora keduwung utawa nggegetun tiba ing tembe buri.

            Mula saka iku kang aran palakrama ora kena dadi dolanan. Ing kene uga dituladhakake wong jaman biyen kang bakal palakrama iku tansah pratitis ing pamilihe. Wong biyen iku ora tansah kaseseng kayun utawa ora kesusu ing karep supaya ora kasurang-surang ing tembe burine, kabeh dipigatekake antarane tetimbangan ala lan becik. Ya bener yen wong lanang iku duwe kuwasa, kena uga manut marang karepe dhewe. Bebasan sedina arep rabi ping papat ya sah-sah wae. Nagning, apa ya magkono iku becik?

            Ing sajroning ngupaya garwa kudu tansah diistiyari kang temenan. Aja amung ngarah marang wong kang lagi disenengi banjur kumudu-kudu bisa dipek bojo. Bebasan sewu cara lan sewu srana ditindakake kanggo ngarah kekarepan iku. Wong mangkono iku kalebu wong kang gendhakan, bosen siji genti sijine. Upama amung ngarah marang kasenengan kaya mangkono mesthine ora bakal tinemu ing kabahagyan. Luwih-luwih yen nganti kumawani ngorak-arik sarak mesthi bakal nemu bilai. Yen ta nganti kelakon mangkono nadyan becik ing ngrepe nanging durung mesthi becik ing tembe burine. Sing uwis-uwis wong kang mangkono iku bakal kedhuwung tiba buri.

            Awit saka iku aja nganti duwe pakarti kang kaya mangko. Wong kang demen gendkakan iku ora becik lan cinacad ing sasama. Kiraku ora ana anake sapa wae kang oleh dirabeni dening wong kang kaya mangkono kejaba wong kang lagi kepepet lan kebutuh banget. Wong lagi kepepet wae terkadhang isih milah-milih anggone ngrabeke anake. Ora kok sembarangan anggone ngrabeke dipasarah pasogan marang wong kang liwar nalare..

Kajaba saka iku ing sabisa-bisa anak aja nganti dirabeni dening koja (sodagar manca) awit racake sodagar manca seneng gendhakan. Luwih-luwih mengko mundhak bisa nurunake putu kang encik. Sak ala-alane, anak iku tetep luwih becik rabi kalawan bangsane dhewe, supaya ora duwe putu encik (wong blasteran/sebutan kanggo pranakan manca).

            Banjur saiki kang dadi jalaran getun jroning ati iku satemena ana patang perkara. Ing antarane patang perkara yaiku sepisan wong anom nandhang baranta amung melik marang wong ayu, pindho melik marang kasugihan, ping telu melik kawibawan kayata anake wong luhur lan kaping pate gampangan tegese gampang dijak srawung ing asmara.  Patang perkara iku kang bisa gawe getun ing mburi amarga rabi amung adhedhasar melik. Jalaran wong kang rabi amung melik patang perkara iku kena dipesthekake ora migunakake niyat kang suci, anane mung nepsu kang den umbar kadi jago ana kalangan. Mangka kaya mangkana iku wes asring disandhang dening sedengah nom-noman.

            Tumrap anak putu kita, sabisa-bisa aja nganti mangkono. Upama nedya rabi ya rabiya sarana becik supaya ora ngrepotke marang wong tuwa, ora gawe susah lan wirang ing kulawarga. Lan uga wajib migatekake marang paugeran papat tumrap wong kang bakal golek sesandhingan. Paugeran kasebut yaiku sepisan ngupaya wong sing becik ing uripe, ora duwe perkara lan pakarti kang ala sarta ora seneng agawe serik ing liyan, kaping pindhone awake aja kambah barang penyakit nadyan penyaikit iku amung cilik bisa bakal nyulayani ing jroning mangun bale wisma, kaping telu aja tansah susah ing jero atine lan kaping pate duweya pengarep-arep derbe anak lanang mursid (bagus) minangka wiji kang becik kang bakal nglestarekake keturunan.

            Golek wong kang kaya mangkono iku mau ora gampang. Wong wadon kang mangkono durung cukup, wong wadon kudu bisa dadi rewang jroning urip sokur bisa golek sandhang bukti kanggo sabyantu wajibe wong lanang lan isih ana maneh kang kudu digayauh. Kajaba saka patang parakara ing duwur isih ana menah patang prakara kang kapetung wajib minangka calon bojo. Patang prakara kasebut ing anatarane yaiku bobot, bebet, bibit lan tatariman.

Nanging, sanadyan mangkono wilangan papat iku isih dikantheni patang perkara maneh kang ora kalah wigati yaiku  sepisan wanodya iku kudu duweni werna kang tegese rupa kang becik utawa sulistya ing werna, pindho duwe brana tegese uripe kecukupan kepara sugih ora kuarang ing sabarang karep, ping telune kawibawan yaiku cetha yen anake wong kang duwe perbawa sokur antuk trahing kusuma lan ping pate yaiku milih sing cocok kalawan atimu. Aja anganti angawang ing pamilih. Yen angawang iku padha karo ora manteb wekasane bisa bubrah lan keduwung wekasane

ULASAN SERAT WARAYAGNYA

            Pernikahan merupakan sesuatu sarana untuk membetuk suatu keluarga yang harmonis dan sekaligus sebagai cara untuk melesatarikan keturunan. Dengan adanya pernikahan seseorang akan menempuh kehiduapan yang baru yang berbeda dengan kehidupan sebelumnya. Yang dimaksud dengan kehiduapan baru adalah kedidupan yang lebih mandiri dengan keluarga yang baru pula. Dalam keluarga yang baru inilah keharmonis sekaligus kelestarian keturunan yang berkualitas menjadi tujuan utama dalam pernikahan.

            Untuk mencapai keharmonisan dan kelestarian keturunan yang berkualitas perlu diperhatikan berbagai aspek. Seperti halnya dalam serat Warayagnya anggitan dalem Kangjeng Gusti Pangeran Adipati Arya Mangkoenegoro IV yang memuat berbagai aspek-aspek tentang aturan mencari pasangan hidup yang dapat aplikasikan sebagai pedoman mencari calon pasangan hidup. Dalam serat ini tidak hanya memuat tentang kriteria calon pasangan namun juga memuat tentang etika sebagai seoarang priya dalam menjalani hidupnya.

            Kebanyakan orang di masa sekarang ini membangun rumah tangga hanya sekadar atas dasar kecantikan/ketampanan dan cinta belaka. Namun, pada kenyataanya setelah memasuki hidup berumah tangga kecantikan/ketampanan dan cinta tidaklah cukup untuk membangun keharmonisan. Dalam ha ini  tidak dapat dipungkiri lagi bahwa mater juga iku menjadi peran yang sangat penting dalam rumah tangga. Ada sebuah unen-unen Jawa dalam sebuah tembang yang berbunyi ”apa bojo arep kok pakani watu?”. Unen-unen tersebut merupakan sebuah peringatan kepada setiap orang yang menginginkan berumah tangga sementara belum mempunyai pekarjaan maka hendaknya carilah pekerjaan dan kumpulkan harta untuk menghidupi rumah tangganya. Maka disini telah jelas bahwa materi merupakan kebutuhan yang sangat pokok pula dalam sebuah rumah tangga.

            Memang cinta dan materi merupakan sesuatu yang pokok, namun cinta dan materi janganlah semata-mata dijadikan alasan dalam membangaun pernikahan. Karena  apabila menikah hanya berdasarkan hal tersebut maka ini juga berpengaruh pada penyesalan di kemudian hari. Dalam serat warayagnya bait ke 6 disebutkan demikian;

Kawruhana kaduwunging ati,

Jalarane mung patang prakara,

Wong anom dadi brangtane,

Dhingin myat warna ayu,

Kaping pindho melik wong sugih,

Kaping tri kawibawan,

Lan kaping patipun,

Kena sambung sarawungan,

Rokok kinang winehken lan ujar manis,

Rinuket mrih asmara

Bait tersebut menjelasakan bahwa kebanyakan para pemuda mengalamai penyesalan karena dalam membangun rumah tangga hanya semata-mata tertarik kepada kecantikan, kekayaan, kewibawaan dan atas mudahnya seseorang diajak untuk bercinta. Pernikahan yang berdasarkan demikian itu buakanlah atas dasar ketulusan hati melainkan hanya kesenangan sesaat ataupun nafsu sesaat. Apabila ketertarikan kepada salah satu dari keemapat tersebut luntur niscaya rumah tangganyapun juga akan mengalami kegagalan dan pada akhirnya juga akan mengalami penyesalan.

            Selain dari bait diatas pelajaran yang senada juga dapat kita temukan pada sebuah hadis Rasullulah SAW, yang berbunyi kuran lebih demikian;

“Wanita itu dinikahi karena 4 perkara. Karena hartanya, keturunannya, kecantikannya, dan karena agamanya. Pilihlah wanita karena agamany, niscaya engkau akan bahagia.” (HR. Bukhari-Muslim).

Dari hadist tersebut tentunya kita dapat merenungkan bahwa menikah yang berdasarkan agama dapat mendatangakn kebahagiaan sudah pasti dapat dipercaya karena dalam pribadi keagamaan yang kuat maka tertanam ketulusan dan keikhlasan yang kuat pula yang dapat digunakan sebagai pondasi dalam membangun bahtera rumah tangga.

            Lantas bagimanakah kriteria-kriteria calon pendamping hidup yang baik yang harus kita cari?

Mengenai hal yang demikian juga telah dijelasakan secara terperinci oleh sang pujangga dalam serat Warayagnya ini. Kriteria yang harus dipenuhi guna mencapai keharmonisan dalam rumah tangga sebenarnya tidaklah simpel. Namuan, semua telah dipaparkan pada bait ke 8 sampai ke 10 secara jelas. Bagaimanakah seorang wanita yang pantas sebagai pendamping hidup telah dijelaskan pula.

Pertama wanita yang menjadi calon pendamping hidup hendaknya memiliki kepribadian yang baik dan tidak suka membuat sakit hati kepada sesama serta tingkah laku setiap harinya selalu sopan dan santun. Ini merupakan syarat yang utama karena kepribadian yang baik akan membawa kesentosaan dan juga akan menurunkan kepada anak cucunya tentang nilai-nilai kebaikan itu. Kedua ialah kondisi fisik dari calon pendamping hidup haruslah memiliki kesehatan yang cukup baik, tidak terjangkit oleh penyakit dan tidak meilik riwayat penyakit apapun. Kondisi ini meliputi kesehatan lahiriayah dan batiniyahnya. Sebab apabila dalam badanya terdapat bibit penyakit niscaya rumah tangga akan terganggu, mulai dari hal yang kecil dengan sakit-sakitan sampai pada menular ke anggota keluarga yang lain bahkan menurunkan anak yang kurang sehat pula. Ketiga ialah janganlah selalu susah di dalam hatinya dan keempat ialah rencanakanlah mempunyai anak laki-laki yang tampan yang dapat melestarikan keturunan yang berkualiatas.

Alasan dari tujuan memiliki anak pertama laki-laki ialah bahwa dalam kehidupan berkeluarga besar atau istilahnya bebrayan agung masyarakat Jawa anak laki-laki yang pertama merupakan sesulihing sudarma yang merupakan wakil dari ayah. Maksudnya ketika kelak sang ayah meninggal maka yang mengantikan posisi sebagi pelindung dalam rumah tangga adalah anak laki-laki pertama. Selain itu anak laki-laki juga sebagai pelestari keturunan yang kuat. Apabila dari kalangan priyayi anak laki-laki sebagai pancer kakung yang bisa mempertahankan grad keturunan orang tuanya apabila kelak sang istri juga dari kalangan priyayi sehingga serat kekancingan darah dalem dari orang tuanya tidak ditindih oleh mempelai wanita.[*]

Dalam istilah Jawa maka tidak heran bahwa dalam kebudayaan Jawa anak laki-laki pertama atau tertua memiliki posoisi yang istimewa. Hal ini dapat dilihat dalam lingkungan keraton di Jawa, khususnya Suarakarta Hadiningrat. Seorang anak laki-laki pertama atau tertua dari raja baik yang lahir dari permaisuri maupun selir secara umum pasti diberikan gelar K.G.P.H.(Kangjeng Gusti Pangeran Harya) dan nama Hangabehi walau belum tentu beliau sang raja mengangkat putranya sebagai putra mahkota. Gelar K.G.P.H. merupakan gelar kepangeranan yang istimewa dan nama Hangabehi berasal dari kata dasar kabeh yang berarti ”menyeluruh” sehingga putra laki-laki tertua merupakan seorang yang wenang menyeluruhi titah sang ayah walau dia belum tentu sebagai putra mahkota.

Sekarang kita lanjutkan mengenai sayarat selanjutnya dalam memilih pasangan hidup. Kali ini masih ada 4 sayarat lagi yang perlu ditinjau secara bijak. Keempat hal yang harus ditinjau adalah bibit, bebet, bobot dan tatariman. Kita sering mendengar istilah demikian dalam lingkungan masyarakat, namuan apakah sebenarnya yang dimaksud keempat hal tersebut?

 Dalam buku karya Tiknopranoto (1961) yang berjudul Pawiwahane Agesang menjabarkan istilah bibit adalah menimbang calon pendamping hidup dari segi keturunannya dan keluarganya apakah dari keluarga yang baik serta tidak memiliki riwayat kesehatan yang buruk dan tidak terjangkit penyakit. Bobot adalah menimbang dari segi kualitas baik kualitas pendidikan, sosial, pangkat dan derajat. Bebet adalah menimbang dari sifat, watak dan perilaku. Sedangkan tatariman ada yang berpendapat wanita pemberian raja atau mantan selir raja yang diberikan kepada seseorang yang wajib diterima, karena hal ini merupakam sesuatu keberuntungan dalam menerimanya sama dengan menerima berkah atau ngalap berkahe aji.

Berbeda lagi dengan konsep yang dijelaskan serat Centini. Dalam serat Centini istilah bibit, bobot dan bebet diartikan dalam hal yang lebih sepesifik lagi. Bibit artinya calon istri harus cantik dan pandai. Bobot adalah calon istri harus asli keturunan dari tujuh kriteria yaitu trahing ngawirya, kesuma rembesing madu artinya turunan bangsawan atau ningrat, harus keturunan dari orang yang alim, harus keturunan dari orang yang ahli dalam bertapa, keturunan sarjana (orang berilmu) dan bijaksana, keturunan orang yang pandai dalam segala hal, keturunan prajurit dan yang terakir keturunan orang yang semangat dalam bekarja. Bebet adalah calaon istri harus kaya dan demawan.

Dari kedua versi tentang penjelasan bibit, bobot dan bebet hendaknya itu tidak terlalu dipermasalahkan. Karena setaiap orang memiliki pandanagan sendiri-sendiri mengenai penafsiran dan pengkriteriaan tentang ketiga konsep itu. Hanya saja yang masih sulit untuk dikonsepkan secara berbeda adalah tatariman. Tatariman yang berarti wanita hadiah dari raja maka hendaknya baik atau tidak baik, telah mencakup kriteri-kriteria yang disebutkan diatas tadi ataukah belum mencapai sama sekali hendaknya tetap diterima. Karena sesuai dengan paham yang dipercaya masyarakat Jawa bahwa pemberiah dari seorang raja merupakan sebuah berkah yang sama sekali tidak pantas untuk ditolak. Paham ini juga diperkuat dengan kepercayaan masyakat Jawa bahwa raja Jawa merupakan wakil dari Tuhan yang ditugaskan menata bumi sesuai dengan gelarnya pada setiap generasi raja-raja jawa di zaman Mataram-Kartasura-Surakarta-Ngayogyakarta yakni Senopati Ing Ngalaga Ngabdurahman Sayidin Panatagama Khalifatullah ing Tanah Jawa. Masyarakat Jawa mempercayai dan meyakini itu sehingga semua pemberian dan titahnya dianggap berkah dan tidak patut untuk ditolak termasuk pemberian wanita baik itu bekas selir atupun wanita boyongan. Apabila sudah masuk kepada ranah kepercayaan yang demikian, maka konsep tatariman yang berarti wanita pemberian raja yang harus diterima tersebut tidak dapat dibelokan kepada tafsir yang lain meskipun di era sekarang ini merupakan era republik, namuan kepercayaan itu masih mengakar kuat di tengah masyarakat Jawa.

Mengenai keempat sayarat yan harus diperhatikan dalam memilih calon pendamping hudup, masih ada lagi beberapa faktor tambahan yang tidak kalah pentingnya. Seperti yang tertuang pada serat Warayagnya baik terakhir yang berbunyi;

Papat iku iya uga kanthi,

Dhingin warna kapindhone brana,

Kaping tri kawibawane,

Catur pambekanipun,

Endi ingkang sira senengi,

Aja nganti angawag,

Manawa keduwung,

Karana milih wanodya,

Datan kena den mupakatken sasami,

Wuruk neng karsanira.

Nah disinilah letak perbedaan anatara apa yang telah diuraikan dibagian awal (bait ke 6)  dengan pesan pada bait terakir ini. Jika pada bagian awal disebutkan bahwa janganlah kita membangaun rumah tangga hanya berdasarkan kencantikan, harta, kewibawaan dan kemauan dalam bercinta kerena akan mendatangkan kekecewaan, maka sekarang kebalikannya. Keempat hal ini menjadi sebuah kriteria tambahan namun sangat penting dan memang perlu terpenuhi setelah terpenuhinya kriteria utama bibit, bobot dan bebet dalam membangun keharmonisan rumah tangga. Cocok dengan uraian diatas bahwa cinta saja titak cukup digunakan untuk membangun rumah tangga yang harmonis melainkan butuh materi. Begitu pula dengan bibit, bobot dan bebet juga tidak cukup untuk membangun rumah tangga yang harmonis tanpa dilengkapi dengan keempat kriteria pada bait terakir ini.

Namun perlu diingat, pada poin yang terakir pada penjabaran di bait ke 6 diawal menyebutkan ”mudah diajak dalam bercinta” sedangka di bait terakir ini yang menjadi poin terakirnya adalah ”pilihlah yang engkau sukai”.

RUJUKAN

------------,Serat-serat anggitan dalem Kangjeng Gusti Pangeran Adipati Arya Mangkoenegoro IV, Nurhop-Kolep: Ja-Ka-Ta, 1953.

Sudiraningrat, R.Ay., Bangsawan Jawa dan eksistensinya,-----------1998.

Puspaningrat, K.P.H., Putra-Putri Karaton Surakarta, Cendrawasih: Sukoharjo, 2002.

Tiknopranoto, Pawiwahane Agesang, Cendrawasih: Sukoharjo, 2000.

Poewodrminto, W.J.S., Baoesastra Djawi,----------: Tokyo, 1937.

http://tabirjodoh.wordpress.com/2011/11/27/bibit-bebet-bobot/

http://demangwaru.blogspot.com/2009/01/bibit-bobot-bebet.html

---

[*] Kutipan dari sebuah buku karya R.Ay. Sudiraningrat, “bangsawan Jawa dan eksistensinya”, 1998, hal 18. Buku koleksi R.Ay Retnoningtyas, Surakarta.

Artikel 1

Gelar lan Sesebutan Kapriyayen lan Trah Jroning Masyarakat Jawa Minangka Warisan Budaya Luhur

Ature R.M. Restu Budi Setiawan

Nadyan karaton ing saiki wus ora duwe kekuatan politik mligi jroning paprentahan NKRI, nanging kuncara lan perbawaning karaton jroning masyarakat utamane masyarakat Jawa isih gedhe banget. Ing jaman republik iki kabeh karaton saindhenging Nuswantara kalebu karaton/kadipaten Jawa cacah 4 (Surakarta, Ngayogyakarta, Mangkunegaran lan Pakualaman) wus nyawiji karegem jroning wadhah NKRI. Nanging tradhisi lan warisan budaya kang diduweni dening saben-saben karaton kasebut isih tetep lumaku lan lestari kepara tetep dadi panutan jroning masayarakat. Warisan budaya mau salah sawijine yaiku arupa gelar kapriyayen (gelar kebangswanan).

Ya bener, gelar kasebut ing saiki ora duweni fungsi kanggo kekuwatan politik ing paprentahan, mung minangka warisan budaya. Nanging, jroning  masyarakat kang pengaruh istana sentries-e isih gedhe utamane masyarakat Jawa isih tetep ngakoni lan ngajeni marang anane gelar lan sesebutan kasebut minangka tandha drajad kapriyayen lan warisan budaya adi luhung kang asesumber saka karaton.

Nanging, saperangan masayarakat moderen uga duwe panemu anane gelar kasebut ora ana gandheng cenenge marang statusa priyayi. Masayarakat kang mangkono lumrahe amung mbiji anane gelar kasebut adhedhasar warisan budaya blaka. Panemu kang mangake ya satemene ora salah. Amarga ing jaman saiki konsep priyayi wis owah. Yen jaman biyen kang diarani priyayi iku wong kang derbe title saka Ratu utawa wong kang derbe grad/trah saka karaton, nanging ing jaman saiki kang diarani priyayi orientasine marang satatus ekonomi lan satatusa sosial jroning masayarakat.

Mula ora jeneng mokal yen wong biyasa bisa dadi priyayi merga sugih lan derbe drajad pangkat kang linuwih. Utawa suwalike wong kang satemene iku trahing ngawirsa, kesuma rembesing madu malah bisa ora kajen babar blas amarga dadi drajade wong ora duwe. Ya kaya mangkene iki sejatine kang kerep dadi guneman jroning masarakat kanthi unen-unen “tunggak jarak mrajak, tunggak jati mati”.

Perangane Gelar Kapriyayen

Kang aran gelar utawa sesebutan jroning masyarakat Jawa iku kajaba duweni fungsi minangka pelestarian budaya ing jaman saiki, satemene duweni fungsi asli kang mligi, yaiku; 1. kanggo mbedakake endhek-dhuwure drajad kapriyayen jroning masyarakat, 2. kanggo mbedakake endhek-dhuwure pangkat kang disandhang sadhengah priyayi jroning kraton (upamane antarane sentana dalem kalawan abdi dalem), 3. minangka tandha yen duwe grad/trahing ngawirya (tedhak turun saka panguwasa/priyagung luhur karaton).

Gelar kapriyayen ing masyarakat Jawa kaperang dadi rong perangan. Perang sepisan yaiku gelar asli keturunan utawa asring disebut minangka “darah biru utawa darah keturunan ningrat”. Gelar kasebut disandang lan rumaket wiwit lahir dening wong kang duweni trah saka panguwasa ing tanah Jawa (tuladhane trah nata Majapahit, Demak, Pajang, Mataram, Kartasaura, Surakarta, Ngayogyakarta, Mangkunegaran, Pakualaman, lan sakpanunggalane). Trah kasebut bisa dijupuk saka pancer kakung utawa putri (keturunan saka garis lanang lan wadon). Kanthi mangkono gelar kang mangkene iki duweni sipat biologis lan kodrat saka Gusti Kang Maha Kawasa kang nitahe pawongangan kasebut minangka trahing kusuma rembesing madu. Cekake gelar kang mangknene bisa diturunake marang anak putune kanthi turunan ora ana pedhote kabeh bisa antuk gelar.

Gelar darah keturunan dalem iki sesebutane bisa dipikoleh adhedhasar grad. Grad yaiku garis keturunan kang nelakake sawijining wong turunan kepira saka sinuwun sapa ing karaton ngendi. Grad ora  bisa dirubah lan ora bisa diganti, merga iki wus kinodrat. Paprincene mangkene:

Grad 1 (putra-putri dalem kangjeng sinuwun) wiwit jaman sinuwun Pakubuwana X nganti seprene para putra-putri kang isih timur kaparingan sesebutan Gusti kayata G.R.M. (putra), G.R.Aj. (putri durung nikah), G.R.Ay. (putri wis nikah), nalika jaman PB IX putra-putri dalem kang isih timur kaparingan sesebutan Bendara kayata B.R.M. (putra), B.R.Aj. (putrid durung nikah) lan B.R.Ay. (putri wis nikah), lan sak durunge susuhunan PB IX putra-putri dalem kang isih timur racake padha kaparingan sesebutan R.M.(putra), R.Aj.(putri durung nikah), R.Ay. (putri wis nikah). Beda maneh yen putra ana kang diangkat dadi pangeran upamane dadi G.P.H./K.G.P.H. lan liya-liyane utawa putri ana sing diangkat dadi G.K.R. mula gelare uga beda.

Dene grad 2-4 (yen ing Ngayogyakarta) utawa grad 3-5 (yen ing Surakarta) tumrap lanang R.M., R.Aj., R.Ay. Seje maneh yen ing Surakarta Hadiningrat Grad ka-2 (wayah dalem) kaparingan sebutan Bendara kayata B.R.M., B.R.Aj., B.R.Ay., pugeran ing surakarta kang mangkene iki lumaku wiwit jaman Susuhunan PB X.

Sabanjure grad ka-6 nganti ora ana pedhote (tumrap Surakarata) lan grad ka-5 nganti ora ana pedhote (tumrap Ngayogyakarta) tumrap lanang nganti tekan 15 taun R.Bg (Raden Bagus, paugeran ing Ngayogya) yen sabubare 15 tahun banjur ganti R (raden), tumrap wadon yen durung nikah R.Rr. (Raden Rara), yen wus nikah malih dadi R.Ngt. (Raden Nganten) Nanging kang uwis-uwis ing Surakarta yen wong wadon derbe gelar R.Rr. upama kagarwa dening sentana dalem gelare malih dadi R.Ay.

Tuladhane ana wong wadon durung nikah grad ka-7 saka Susuhunan PB X, mula dheweke derbe gelar R.Rr., bareng diwasa dheweke kagarwa dening sentana dalem karaton Surakarta Hadiningrat, mula gelar kang di sandhang bocah wadon kasebut bisa malih dadi R.Ay.

Kapindho yaiku gelar paringan dalem (paringan saka karaton) kang arupa gelar pangkat tumrap sentana, riya inggil, abdi dalem, prajurit lan liya-liyane kalebu uga gelar kang diparingake marang sok sapa wae kang kapundhut minangka garwa dalem. Gelar iki diparingake kanggo sapa wae (ora nyawang pawongan iku trahing kesuma rembesing madu apa turunan wong biyasa) kang duweni labuh labet marang karaton, duweni kasetyan minangka abdi karaton, duweni peran gedhe marang jagading kabudayan, sosial, politik lan sak panaunggalane kalebu wong kang kapundhut garwa dening sang nata uga duweni hak kaparingan gelar kasebut. Nanging perlau kawuningan yen gelar iki asipat individual tegese ora bisa diturunake marang anak putune.

Gelar mangkene iki maneka warna cacahe. Saben karaton utawa saben kadipaten bisa uga beda-beda paugerane. Ora kaya sesebutan/gelar darah dalem/keturunan dalem. Yen gelar keturunan dalem mau umume paugerane meh padha lan sesebutane ya miripantarane Kasunanan Surakarta Hadiningrat, Kasulatanan Ngayogyakarta Hadiningrat, Kadipaten Mangkunegaran lan Kadipaten Pakualaman, nadyan  ana bedane nanging ya mung sethithik.

Kang uwis kelakon kaya ing Ngayogyakarta Hadiningrat upamane ana wong 2 kang kaparingan/kawisudha minangka wedono. Kang siji duweni kekancingan darah dalem/keturunan dalem lan sing siji ora duwe trah saka sapa-sapa. Mula gelar/sesebutan kang di paringake marang pawongan kasebut uga beda-beda. Kang duweni kekancingan darah dalem/keturunan dalem kaparingan R.W. (Raden Wedono) lan sing siji mung kaparingan M.W. (Mas Wedono) jalaran dudu darah biru. Semono uga tumrap Ngabehi, yen duwe kekancingan darah dalem mula kaparingan R.Ng. (Raden Ngabehi) yen ora dudu darah biru ya mung M.Ng. (Mas Ngabehi).

Cerkak 2

KETEMU DHEMIT TANGSI BANTIR

(Dening R.M. Restu Budi Setiawan)

            Kang bakal dak caritakake iki pengalaman kang tau dialami dhening tangga teparoku. Aku isih kelingan persis nalika dhewke carita. Dina dumadine lelakon yaiku malem selasa pon sasi desember 1975. Cerita misteri iki dumadi ing satenghing barak tangsi Bantir kang wingit lan kebak wewadi uga ana ing mbernangan yaiku salah sawijine kedhung jambar lan jero gaweyane jaman Walanda kang mapan sandingan kalawan tangsi . Tangsi iki peniggalan jaman Walanda kabangun udakara taon 1929 kang biyen ora krumat sawuse kamardikan negeri iki lan arang kambah jalma manungsa. Nanging, saiki wus katon asri, asring kanggo kemah bocah sekolah, mung emane kadhang kala isih dumadi bab-bab kang nyalawadi lan ora tinemu ing nalar.

Sore iku udan gerimis mbabar hawa adhem jekut ing sasi Desember iki. Desa Bantir saben sore wes ora ana wong kang metu saka omah, jalaran mesti udan gerimis lan angin tumiyup gedhe. Bubar sholat isya’ kang Tarno lan kulawargane padha gegeni ana pawon sinambi mangan nyamikan roti sumbu, dene mbok Sumi lagi ngadhep teplok ana meja karo gawe wedhang kopi. Pancen rikala taon 1975-an listrik durung mlebu desa kene, dadi ya prasaja bae nyumet teplok.

            Bengi iku kang Tarno katon susah nyawang kahanan udan kang saya wengi saya deres. Samar yen samengko galengan kang bubar dilabohi dhadhal. Ing saselaning guneman ana dhipan ruang tamu dumadaka keprungu swarane wong totok lawang. Mbok Sumi rikat menyat mbukak lawang. Bareng dibukak ora katon pawongan siji-sijia ing tertikan. “ora ana sapa-sapa je, pakne!” Guneme mbok Sumi karo ngenep lawang. “Paling mung rungon-rungonen bae ta!”  Sambung kang Tarno.

            Wiwit sore mau mbok Sumi wes duwe rasa ora kepenak yen kaya-kaya bakal dumadi bab kang ora dikarepake. Pandom jam nudhuhake jam sanga kurang seprapat. Kabeh saomah arep padha mapan turu. Nanging, kang Tarno isih durung karep turu, amarga kepikiran marang sawahe. “Ayo pakne turu bae. Kahanan adem ngene arep ngapa?” mbok sumi ngajak bojone. “Ah, mengko. Ora prayoga turu gasik-gasik.” Wangsulane kang Tarno. Watara jam sepuluh kabeh somah wus padha turu kepati. Kang Tarno isih ngadep kopi lan turahan roti sumbu sinambi ngliling teplok kang kebak langes iku.

            Saka jeron omah kang Tarno ngungak jaba. Latar katon sepi peteng ndhedet, udan deres lan sedhela-sedhela gumeyar lidhah thathit uga gumludhuk swarane geludhuk. Iku njalari saya ora sratan kang tarno kepengin budhal menyang sawah saprelu mbeneke galengan sawah. Dheweke pamitan lan bojone. Mbok Sumi menggak kang Tarno penging lunga menyang sawah wengi-wengi. “Prayogane sesuk esuk bae to pak!” kandane mbok Sumi. “Ah, ora. Kowe wong wadong ora ngerti butuhe wong golek dhuwit.” Kang Tarno mangsuli sinambi nyandhak pacul lan sabanjure ngenggo mantol.

            Krungu jawabe bojone mau mbok Sumi serik lan mbacutake olehe turu. Kang tarno budahal menyang sawah. Pacul lan senter kang wus dibungkus plastik di gawa. Ora suwe maneh deweke tekan sawah kang dumunung ana sisih kulone tangsi Bantir. Tekan sungapan kang cedhak karo mbernangan keprungu swarane bocah kang lagi nagis. Kang Tarno goleki wewayngan bocah iku. Bocah kang nangis mau ketemu ana dalan sungapan buri mbernangan. Mempere bocah iku anak bangsa Walanda. Jroning batin kang tarno kebak pitakon “iki kok ana sinyo lan noni ana kene wayah bengi, kahanan udan pisan, kamangka ing desa kena ora ana piyayi Walanda banjur bocah iki sapa?” “He, nang, nduk! Kowe sapa omahmu ngendi? Wayah udan kok ora muleh apa ora digoleki simbokmu?” pitakone kang Tarno marang bocah sakloron. Bocah loro iku ora ana kang mangsuli pitakone kang Tarno.

            Dumadakan bocah kang lagi tawang-tawang tangis iku menyat lan lunga tumuju ana mbernangan . Mung kaya ana kang ganjil, bareng diwaspadakake bocah mau lakune ngambang ana tengah mbernangan kang kebak banyu watara jerone telung meteran. Bareng saya suwe ora katon, kaya-kaya ilang klelep banyu. “Aku ora percaya apa kang bubar dak deleng.” Guneme kang Tarno sapinggiring mbernangan.

            Udan saya deres kang tarno weruh galengane dhadhal, nanging wurung mbeneke. Keweden marang swasana kang kaya mangkene, luweh-luweh sentolope mati. Kang Tarno tumuju omah bunder ing Tangsi saperlu ngiyup sawetara lan ndandani sentolop. Lurung-lurung ing tangsi disasak, barak-barak tangsi kang ngadeg katon wingit. Sedela-sedela ana manuk sriti kang mabur ing wayah wengi. Lakune kang Tarno tekan ing omah bunder.

            Satekane kang Tarno ing papan iku, keprungu swara kang nyalawadi saka jerone omah bunder iku. Ana suwara wong lagi guneman lan kadhang-kadhang keprungu swarane pawongan njerit kaya diseksa. Ora adoh saka omah bunder iku ana kamar mandi kang uga saka kono keprungu swara wong lagi adus. Bab kaya ngene iki gawe mirise ati. Ing ngatase tangsi tuwa tinggalane jaman Walanda lan saiki arang kambah manungsa kok ana pawongan adus lan gemremeng swara wong guneman ing wayah wengi, tur udan pisan.

Ndilalah sentolop banjur urip. Kang Tarno gendelake awake mbukak lawang barak tangsi. Bareng kabukak ruwangan katon suwung lan ora keprungu swara maneh. Kamar mandi uga kabukak naging banyu satetes bae ora ana. “ Wah, tangsi iki isih gawat keliwat tur angker wingit“ Kang Tarno ngucap mangkono karo mlayu salang tunjang ing lurung tangsi tumuju omahe pak Trimo mandor tangsi iki. Lurung kang kebak larahan godhong iku ndadekake sawara playune kang Tarno krosekan. Angin kang sumilir lan udan deres gawe mengkorog githoke kang Tarno.

Lakune kang Tarno kesandung sapinggire barak kan ujere kandha biyen papan ngukum durjana. Sanalika kang Tarno ora eling purwa duksina. Saka rumangsane awake abot kaya katindihan barang kang gedhe dhuwur.

Bareng eling udan mung kari gerimis, kang tarno wiwit menyat lan njagong sumende barak. Ora nyana ana serdadu kang metu saka barak iku pirang-pirang. “brok, brok, brok“ mangkono swara sepatune kang ngambah jogan. Emane serdadu-serdadu mau godres getih lan mung kari gembung tanpa sirah.

Kahanan ing tangsi kono tamsaya nggegirisi. Bab-bab nyalawadi tansah diweruhi dening kang Tarno. Wektu iku uga kang Tarno eling marang goteking kandha wong desa, kang ujare kandha papan iki minangka papan kang kebak wewadi. Ujare biyen ing kene ana pawongan kang tau kalap lan ilang kaya-kaya diuntal bumi. Ing kene uga ujare asring tinemu memedi kang ora kapetung cacahe. Memedi iku minangka korban kang diperjaya dening kumpeni walandha.

Ing omah mbok Sumi lan anake lanang loro yaiku Sulistyo lan Hartantanto ngenteni ana omah kathi kebak pengareb-areb. Di ungak pandom jam nuduhake jam siji luwih. Udan wus sireb. Nanging, dumadaka keprungu swara wong totok-totok lawang. Kanthi rikat mbok Sumi mbukak lawang. “mbok menawa iki pakne ya le.“ Kandane mbok Sumi marang anak lanange kang wus diwasa iku.

Jebul dudu, malah ora ana sapa-sapa ing ngarep kaya kang dumadi mau watara jam sanga. “Lho ora ana sapa-sapa! Wah gek-gek iki kang tunggu ana ing wit sawo ijo iku.“ Guneme mbok Sumi karo nutup lawang maneh. Kahanan kaya mangkene gawe sumpek atine wong sakeluwarga.

“Piye mbok yen bapak dak petuke bae karo aku lan mas Har?“ pitakone Sulistyo marang simbok. “Ah, ora le. iki wayah bengi, aja grusa grusu. Tur maneh yo ora ana obor, prayogane sesuk esuk bae. Kang baku saiki padha bali turu maneh lan aja lali tansah ndedonga marang keselametane bapakmu.“ kandhane mbok Sumi.

Wengi iku pada ora bisa turu, jalaran kepikiran marang bapakne. Sawetara, bapakne ing tangsi kamigilan weruh wewujudan kang ora lumrah iku. Angin kang sumilir njalari rasa adem jekut lan nambahi rasa ajrih marang kang Tarno. Wewujudan memedi terus katon tanpa kendhat. Ana kang rupa manungsa nyangking sirahe kang tugel, ana kang mripate menlolo metu, ana serdadu kang mlaku baris naging mung sikile bae lan sapanunggalane.

Ananging, parandene kang Tarno ora bisa menyat lan lumaku mlayu. Sesambat bae ora bisa. Bebasann balung lan otote dilolosi nganti tanpa daya. Kang Tarno kelingan lan nyebut asmane Gusti jroning batin. “Duh Ya Allah tulungana awak kula puniki, singkirna memedi punika saking ngarep kula, Ya Allah.” Bareng deweke bisa sambat sanadyan jroning driya, kang mangkene iku bisa gawe lejaring ati.

Wekasane kang tarno bisa mbrangkang tumuju ana griyane pak Trimo lan nyuwun pitulungan. Ing kana pak Trimo nampa pisowane kang Tarno, nanging kang tarno wus kebacut ora bisa omong. Ora watara suwe garwane pak Trimo nyaosake unjukan. Pak Trimo ndangu werna-werna anaging tan ana wangsalan saka kang Tarno.

Parak esuk gasik watara jam papat kang Tarno diterke dhening pak Trimo bali menyang omahe. Mbok Sumi tawang-tawang tangis  meruhi kahanane bojone kang koyo mangkene. Sabubare pak Trimo nyaritakake marang mbok Sumi apa kang wus dumadi, pak Trimo banjur pamit kondur.

Anganging ana bab kang nyalawadi. Ing sangisore wit sawo ijo ngarep omahe kang Tarno ana wewayangan ngegla kang saempere iku genderuwo. Pak Trimo ndingkluk lan terus rikat tindak. Olehe tintak pak Trimo rumangsane kaya ana kang atut wuri, satekane ndalem, pak Trimo pirsa wewayangan genderuwo mau ing ngisor wit alpukat. Panjenegane langsung mlebu lan ngancing lawang.

Awane mbok Sumi golek reka daya kanggo ngreksa bojone kang lagi ora bisa omong iku. Tangga teparo ana kang nyaosi pirsa yen mbok Sumi enggal marak ngarsane mbah Degol, sesepuh desa Bantir kene.

Dening mbah Dhegol deweke di tampa kanti becik. Sawuse mbok Sumi ngaturake kekarepane banjur panjenegane mbah Degol dalah mbok Sumi rikat mapagi kang Tarno. Akeh-akeh kang didawuhake dhening sesepuh desa iku. Bareng wus diuapakara, deweke bajur bisa guneman lan walaka nyaritakake apa kang wus dumadi  marang deweke.

Mbah Degol ngendikan pancen tangsi iku isih gawat keliwat-liwat. Ujare kandha biyen akeh serdadu kang mati amarga dipilara lan nganti dipacung sirahe, sikile ditugel ilang kuwandane teko pada di pendem ing kono kanthi ora lumrah. Dadi yo saempere yan tangsi iku wingit lan bareng sabubare kemerdekaan arang kambah manungsa. Dene kang dumadi ing bernangan biyen-biyene sadurunge bangun tangsi lan mbernangan madeg kang tunggu kono jaluk wadal. Dene kang dikarepake kang nunggu papan kono yaiku anak Walanda lanang lan wadon. Sanalika kekarepan iku disembadani. Bocah Walanda loro kang isih umur sepuluhan taon dipendem urip-uripan ing bakal mbernangan banjur diplester jobin. Nganti saiki mbah Degol isih sok disuwuni pitedah yen ana wong kang duwe masalah marang jagading lelembut.

Kapacak ing PS no 21 tahun 2010

Cerkak 1

KALAP ING ALAS PINUS

(Dening R.M. Restu Budi Setiawan)

            Sore iku kaya padatan lik Mamek lunga golek kayu ing alas pines gunung Ungaran bageyan Sumowono. Olehe golek kayu mangkat udakara jam loro. Lakune nguncluk supaya enggal teka ana papan kang dituju lan cepet bisa muleh gowo kayu sapikul. Tekan madyaning wit-witan pinus langsung miwiti ngrencek kayu.

            Wus wiwit wayah surup, nanging deweke durung paja-paja katon yen arep bali. Ketungkul olehe golek kayu engga lali wayah. Bareng krasa yen wus peteng dheweke wiwit mudhun saka wit pinus lan mbongkok kayu kang bubar direnceki. Sarampunge mbongkok banjur budhal bali. Kocapa lakune lik Mamek kesasar lali dalan bali, amarga wus ganti wayah wengi. Jagad katon peteng, lakune kandeg. Bareng wus krasa sayah lumaku ing tengah alas perengan iku dheweke leren sawetara lan nguyuh ing sapinggiring gumuk cilik. Sumendhe adelek-dhelek ngasakake sayah awake.

            Kacarita mbokne Ngatirah lan bojone Ngadiyem bingung nggoleki. Tangga teparo padha dikabari yen lik Mamek lunga golek kayu nganti bakda isya’ durung bali. Sanalika diumumake ana mesjid supaya wong sadusun melu urun goleki si Mamek.

            Wayah iku uga wong lanang sa dusun Bantir mangkat. Kabeh ubarampe kang diperlokake digawa. Kaya ta senter, arit, bendho, oncor lan sapanunggalane.

            Warga ing alas gunung iku dipencar dadi telung kelompok. Saklompok arah ngalor, sakelompok maneh nyasak ngetan, dene kelompok telu yaiku aku, mas Ukit, kang Zazin, kang Min, lan lima pawongan liyane maneh ngidul gunung kang dumadi saka perengan tajem lan margine mbebayani kanggo di liwati.

            Satengahing alas senter kang digowo ya mung telu lan oncor siji. Kepeksa lakune rindhik. Akeh kang kesangkut ri bebodotan ora liya aku dewe. Kahanan ing gunung katon peteng dhedhet, angin tumiyup banter nganti swarane kaya prahara gedhe.

            Sang Hyang Candra mijil mung sa arit. Keprungu swaraning sato wana kaya serigala lan sapanunggalane. Olehe nyasak kelompoku wus tekan sangisore teja kang wingit. Ing kono padha ora wani nerusake laku, jalaran kuwatir kena siku sikaraning drubiksa kang mapan ing kono. Wekasane kelompok telu mlaku niggalake papan kuwi.

            Ing saselaning rerungkudan semak iku ana gerombolan celeng katon godres getih. Aku sak rombongan kuwatir menawa celeng iku wis ngudhal-udhal kuwandane lik Mamek. Banjur kabeh munggah ana gundukan watu supaya ora katrajang sato wono iku.

            “Iki banjur kepiye kang? Yen kita tetep ing kene mesti bae ora bakal antuk karya. Nanging yen mudhun mesti bae kasundhang dhening celeng-celeng iku.” Pitakonku marang kang Min. “Prayogane kita tretep nengkreng ing kene bae. Krutukana wau saka ndhuwur. Mengko lak banjur pada minggat.“ Kandhane kang Min.

            Sawetara kabeh pada iwut ngusir sato iku. Aku nelpon pak Sapari yen aku ing kene nemokake kawanan sato wana kang goders getih gabeh. Tanggapane wong kang jaga ing pos sapinggiring alas arep budhal tumuju kene.“Pripun jare wonten sato nyalawadi. Saniki wonten pundi?“ Pitakone pak Sapari marang kelompok iku. “Niku pak. Wonten rerungkudan semak niku.” Kandhane kang Zazin. “Wus ayo pada di bongkar.”

            Saiki wong sing ana jalur kidul iki saya akeh. Nambah kekendelane wong saregu. Bareng kabongkar celenge pada mlayu lan ing kono jebul mung tinemu bathang kidang menjangan bae. Ora kaya kang dikuwatirake.

            Kabeh pada rinasa ing papan kene ora aman akeh sato wono lan dalane angel. Tur yo ora mungkin yen lik Mamek lunga golek kayu ing kene. Kabeh banjur mudhun lan tekane ngisor sawetara wong ana kang jaga ing pos lan liyane tetep mlaku nyasak alas.

            Watara nganti jam rolas seperapat bengi isih nihil durung antuk apa-apa. Kabeh kelompok dikabari supaya pada kumpul ana pos. Ora let suwe kabeh wus pada kumpul.

            Pangendikane pak Suroso kabeh pada bli bae. Panjengane ora wani ambil resiko yen kedadeyan apa-apa wong iki wus ngancik tengah wengi. Perkara nggoleki lik Mamek arep diterusake sesuk wayah bangun rahino. “Nggih pak kula sarujuk.” Kandhane warga dusun Bantir kene. “Sadurunge budhal bali kabeh dak jaluk naliti rombongane dewe-dewe, ana kang keri apa ora.” Tambahe pak Surasa. “Boten pak, sampun jangkep sedanten.” Saut salah sawijining saka kelompok-kelompok iku.

            Satekaning desa kabeh pada ora bali menyang omah, ananging pada ngumpul lan guneman ing bale dusun. Wong wadon ing omah uga pada ora turu, malah kepara pada lunga menyang omahe lik Mamek. Ing bale dusun dicaosi unjukan lan daharan karo mas Wawan salah sawijining tokoh masyarakat. Kahanan desa dadi regeng. Omahe lik Mamek kebak swasana duka lan tangis

            Wengi iku uga pak Surasa, RT dusun Bantir paring lapuran marang pak lurah. Panjenengane uga golek rekadaya sowan ing ngarsa sesepuh supados diparingi priksa kepiye amrih gampang lan penake. Lan panjenengane dicaosi pirsa yen lik Mamek iku di ajak ing alam kang ora katon. Olehe golek sesuk-esuk warga kudu nabuhi bendhe.

            Sawetra liya ing tengah alas lik Mamek ora ngerti kiblat. Weruh padang remeng-remeng nanging ora ngerti sangkane. Langit katon peteng nanging ora mendung. Jagad rupane kuning kaya kesorotan lampu kutha. Lakune kang mamek mung mubeng ing papan kono bae. Rinasa deweke mlaku adoh nanging ora tekan papan liya. Anane mung ing papan kang padha. Bingung olehe goleki dalan bali.

            Sanalika lakune ketemu marang sawijining papan kang saempere iku papan kadhaton. Ing kono tinemu pawongan akeh banget. Yen sinawang lir abdi lagi nyeba gustine. Lik mamek banjur tumuju ing papan iku. Tanpa dinyana dhaweke digeret mlebu lan sabanjure dijeblosake ing sajroning pakunjaran. Pawongan ing kono kabeh padha ndeleng lik mamek. Katon ratu ayu ndukani lik Mamek. Kandhene ujare lik mamek sembrana ana ing papan gumuk mau.

            Algojo-algojo ing kono katon gagah. Waja mingis kaya parang turi saempere iku drubiksa. Lik Mamek kang awake gering cungkring dipecuti dhening algojo-algojo iku. Sambate ngaruara. “Dhuh ndara. Kula nyuwun pangapunten” sambate lik Mamek. “ora ana pangapura kanggo awakmu, kejaba yen ana pawongan kang saguh nulung kowe ana kene.” Kandane drubiksa kanthi swarane nggegirisi.

            Parak esuk watara jam setengah telu kabeh para warga kang dibiyantu saka dusun liya pada mangkat bebarengan. Lakune tumuju mencar. Bandhe cacah wolu diunekake ana papan kang bedha. Wus suwe anggone nyasak wana prandene durung ketemu.

            Udakara jam setengah nem lagi ana kabar yen lik Mamek ketemu ing sapinggiring gumuk cilik kang sandingan karo recekan kayu obong kang wus dibonggok.nalika ditemokake kanthi kahanan ora sadar. Kabeh wong pada ora percaya yen ditemoke ing sapinggiring gumuk. Jalaran mau bengi gumuk iku wus diliwati bola-bali lan dianggo leren barang. “ha, nggene kok yo mung nang kono. Mau bengi kok ora katon.” guneme lik Tukijan.

            Ora let suwe lik mamek wus digawa bali tekan omah. Keluargane wus rada lega jalaran lik Mamek wus diketemokake. Warga ing kono banjur mampir sedela lan banjur bali menyang omahe dhewe-dhewe. Awake lik Mamek kang ora sadar iku banju digawa ing puskesmas dhening keluwargane lan dibiyantu tangga teparo kang cedhak.

            Udakara ana limang dina lik mamek ora enggal sadar. Kandhne pak dhokter ora apa-apa. Pihak keluarga dadi saya bingung.

            “Aku wus nekodake arep dak gawa bali bae kok mbok.” Guneme lik Yem marang mbok Ngtirah. “Yo  yen mangkono aku sarujuk. Samengko digolekake wong sepuh bae.” wangsulane mbok Ngatirah.

            Sore iku lik Mamek diboyong dhening keluargane bali menyang omah. Lik Ngadiyem duwe rencana yen sesuk arep lunga menyang desa Ngoho saperlu nyuwun pitulungan wong pinter.

            “Wah. Nek menggahing kula nggih wo, ampun ngenjing. Prayoginipun saniki kemawon. Jalarn selak mesakake awake lik Mamek menika.” Kandhane lik Suti tangga teparone marang mbah Ngatirah. “lha nek saiki yo wis wengi ki. Tur yo wus wayah surub” Jawab mbah Ngatirah. “Inggih mboten menapa. Samengke nyuwun pitulungan marang tangga saperlu ngterake Ngadiyem mrika.” Sahut lik Suti

            Sabubare adu rembug lik Ngdiyem dikancani dhening mbok Klinuk, lik Suti dalah mbok Alimah budhal menyang desa Ngoho. Senter wus dicepakake. Olehe mangkat mlaku nerabas alas lan tegalan supaya enggal tekan. Nalika budhal saka omah udakara jam lima dadi yo isih rada padhang.

            Jam wolu tekan daleme Mbah Jarwo sesepuh ing desa Ngoho. Panjenengane jebul wus persa apa kang dikarepake dhening lik Yem. Kabeh kang sowan pada gumun, jalaran durung diaturake kok wus pirsa kekarepane.

Akeh-akeh kang dingendikakake dening mbah Jarwo. Salah sawijine yaiku ngendikakake yen Mamek iku sukmane di lebokake ana pakunjaran ing salah sawijining kedhaton lelembut.

            “Dadi ngene lho ndhuk, perangane awak iku ana loro yaiku sukma lan roh. Sukma iku kang njalari wataking manungsa yaiku dumadi saka patang cahya yaiku abang, ireng, kuning, putih. Dene roh iku nyawa kang ndadekake urip. Upama sukma papat iku metu ora bakal mati sanadyang roh isih tetep manjing ana raga. Kang dumadi marang bojomu iku wus dak trawang jebul kang metu yaiku sukma telu kang tininggal mung sukma ireng. Ning iku aja kowe kaget, bojomu ing pakunjaran kasiksa dhening pakartine drubiksa dalhing asura kang mapan ing kono. Mula prayogane cepet enggal ditulungi, selak mesakake bojomu iku.“ Mangkono pangendikane mbah Jarwo.

            Mbah Jarwo ngutus supaya lik Yem dalah tangga teparone bali. Ing samengko mbah Jarwo nusul. Bareng tekan omah, jebul mbah Jarwo wus tekan liwih dhisik. Mbuh panjenegane nitih apa kabeh pada ora weruh. Ingkang baku mbah Jarwo tekan lan enggal-enggal nulungi bojone lik Ngadiyem.

            Ora let suwe lik mamek sadar. Banjur mbah Jarwo pamit kondur. Jane arep di aturi unjukan dalah gula the nangging ora kersa nampa.

            Dina-dina sabanjure lumaku kanti lumrah. Perkara iki kena kanggo piweling kanggo wong sadusun Bantir kene, upama golek kayu aja nganti kesoren.

Kapacak ing PS no 52 sasi desember 2009