Gurit 3

Nalika Suket Godhong Dadi Mungsuh

(dening R.M. Restu Budi Setiawan)

Bumiku dak ambah, ambles

Suket dak pidak, garing

Banyu dak ombe, asat

Suket godhong lan banyu dadi mungsuh

Jare para winasis iki bebendu

Nanging apa dosaku

Ana kang kandha yen urip iki

Amung bebasab mung sagebyaring tathit

Nanging kena apa kudu nampa sesiku iki

Banjur apa kang kudu dak luwari

Wus ora kurang anggonku muji

Muji marang asmane Gusti

Prasasat tanpa kendat

Anggondu ngudi

Bisane antuk pangapurane Gusti

Oh, bumiku iki

Aja kok bacutna

Anggonmu ngeawak-ewakake uripku

Saiki aku wus tanpa rowang

Tanpa kanca

Amung samiruna kang minangka mitra

Kapacak ing PS no 31 taon 2010